LIRIEKE

Kliek op een van die onderstaande cd's op die betrokke lirieke te sien
Lirieke kan per e-pos aangevra word, kliek hier
| |

|

Songs uit my Binnesak - 2005

Hier waar jy hoort \| Engelliedjie \| Wintersprokie \| Stofpad Hoe durf jy? \| Wag nog 'n bietjie \| Nagel se draai Wiegeliedjie \| Onthou jy nog? \| Genadewater \| Buite val die reën Blou blou water \| Nagliedjie \| Ballade vir 'n vreemdeling \| Anthem
Hier waar jy hoort Woorde en musiek: Richard van der Westhuizen Jy sê my jy is sterk en jy kan stewig op jou voete staan al sou ons twee se paaie skei en liefde in die stof vergaan Dink jy ons het ooit kon weet hoe bitter seer 'n mens kan kry die dag toe jy die deur vir oulaas saggies toemaak agter my Waarheen loop jy, waarvoor hoop jy Watter waansin dryf jou voort? Waarom lag jy, wat verwag jy weerloos agter elke woord Watter rigting bring verligting Ek loop suid maar jy loop noord Dis leeg hier om my, wanneer kom jy terug na my hier waar jy hoort Soveel vrae, soveel twyfel, soveel wat ons misverstaan terwyl ons twee soos kinders elkeen doelloos maar sy koers inslaan En terwyl ons aanhou dwarstrek en ons koppe steeds maar aanhou stamp soek ek jou elke nag vergeefs hier in die ligkring van my lamp Waarheen loop jy, waarvoor hoop jy… En tog as ek onseker in die donker nag die ure tel en dan maar nog 'n kers opsteek om in die vlam jou naam te spel Weet ek 'n deel van jou sal altyd stil en diep hier in my bly al sê ons wat, al praat ons nooit, al leef ons bymekaar verby. Waarheen loop jy, waarvoor hoop jy…	Engelliedjie Woorde en musiek: Richard van der Westhuizen soos wind oor 'n blaar soos 'n veertjie, sommer maar as mense met jou mors, as jy vies is, of nors, is ek daar soos die lente elke jaar soos 'n wit bloeiselblaar as jy moeg is en verniel is, soos 'n kaggel vir die siel is ek daar Lewe jou lewe, my engeltjiekind altyd gerus, ek is daar in die wind jy kan my nie sien nie maar ek dink tog jy ken my altyd gerus in die weer en die wind lewe jou lewe, my engeltjiekind as die stormwind waai en die blitse begin laai as die onweer jou tref moet jy besef ek is net om die draai wie gaan jou bewaar as jy dink daar's gevaar as jy koud kry of bang is, soos die asem teen jou wang is ek daar Lewe jou lewe, my engeltjiekind altyd gerus, ek is daar in die wind jy kan my nie sien nie maar ek dink tog jy ken my altyd gerus in die weer en die wind lewe jou lewe, my engeltjiekind is dit 'n ou-ou goue blaar waarna jy so sit en staar dis net kinders wat luister as blare begin fluister vir mekaar
Back to Top
Wintersprokie Woorde en musiek: Richard van der Westhuizen 'n Winter herhaal hom na ses, sewe jaar 'n Wysie wat spook op 'n stokoue snaar Jy probeer dit verduidelik probeer dit besweer en jy dink jy verstaan dit: Wel, die dinge gebeur Die wind van die berg af laat die dakplate kreun Vieruur in die môre in die triestige reën So maak ons liefde so leef ons weer en dan neem ons afskeid tot die volgende keer Dai da da da dai... Ek wens ek was by jou daar waar jy nou bly Maar nou ja, jy's so ver en die tyd vlieg verby Vertel my van liefde ek leer soos 'n kind want my hart is deur die jare se kalklig verblind Dai da da da dai........ Soms so onseker soms selfvoldaan Liefde weet beter die hart sal verstaan	Stofpad Woorde en musiek: Richard van der Westhuizen Ek ry weer op die stofpad waar die kalklip teen die rante streep Om my waai die lang gras die vlaktes lê so breed Elke droë doringboom 'n mylpaal êrens agter my Die wind suis deur my hare ek het my koers gekry Telefoonpale, beestekrale, vinke in die vlei Windpomphoogte, die lang, lang droogte is finaal verby Die myle word al minder soos ek oor die stofpad ry na die houtvuur in die klipmuur waar my liefde wag op my Al my spoke lê soos ou geroeste wrakke langs die pad Ek weet ek sal van nou af aan die regte afdraai vat Die wêreld lê nou oop en bloot soos 'n padkaart wawyd oop voor my My hart lag al hoe harder soos ek nuwe asem kry refrein Sê nou maar ek kon dalk net die aarde op sy kop laat staan En lag-lag kyk hoe tol hy in 'n nuwe wentelbaan Hy tol daar deur die heelal dat die silwer sterrestof so staan op 'n stofpad deur die ruimte wat lig bring waar hy gaan
HOE DURF JY Woorde en musiek: Karen Wessels Sê vir jou ma ek sal jou nooit weer pla nie, sê vir jou sussie ek is baie lief vir haar. sê vir jou broer ek hoop hy maak miljoene rande, sê vir jou pa ek dink daai Opel enjin is al lankal gaar. Wag 'n bietjie, wat sê jy vir my, wag 'n bietjie, herhaal daai woordjies vir my, hoe durf jy! Sê vir jou ouma sy kan nou maar rustig doodgaan, en sê vir jou oupa ons kinders sal sy naam nooit dra. sê vir jou gomtor oom hy kan sy oë nou van my afhaal want volgens jou was ons blykbaar al lankal klaar. Wag 'n bietjie… Sê vir jou budgie ek gaan hom nooit weer voer nie en sê vir jou tannie pienk is nie die nuwe swart nie. sê vir jou niggie sy moet tog net nie bloedskande pleeg nie, en sê vir jou dokter daai pille wat hy jou gee maak jou net befokter. Wag 'n bietjie Sê vir my hart jy het my siel mooi omgekrap, en sê vir my brein jy was tog altyd te verfynd. sê vir my lewe ek sal jou eendag vergewe vir al die seerhê en al die ongemaklike lepellê. Nagel se draai Woorde en musiek: Richard van der Westhuizen My bakkie het gister gaan staan in die pad duskant Nagel se draai met die water wat spuit by die radiator uit in die son wat die teerpad laat braai Ek het lank daar bly sit op 'n klip in die sandloop langs Nagel se draai waar Nagel se wrak lê en roes op sy dak en die wind deur die kloof aanhou waai Wie het vir wie daar verraai lank gelede daar by Nagel se draai? Seerkry, my kind, is soos vrae in die wind en die antwoord; die kan mens maar net raai Ek droom nog so dikwels ek's daar in die pad duskant Nagel se draai is dit jou stem wat so fluit deur die takke in die spruit of die Ooswind wat so warm kan waai?	Wag nog 'n bietjie Woorde: Coot van Doesburgh Musiek: Edwin Schimscheimer Afrikaanse woorde: Richard van der Westhuizen Ek sien jou daar staan met jou helder blou oë en ek hoor weer jou stem wat my weerstand laat smelt Maar my seer is nog te rou en ek bly steeds bedroë so wag eers voor jy my bel Ek het eintlik besluit ek gaan van nou af alleen bly want my hart is nog iewers verlê Maar toe laat ek my weer deur jou oë verlei Wag eers voor jy iets sê Maar gee my 'n teken, 'n teken van lewe Geen woorde, geen raad nie, een kyk, net vir nou Jy hoef niks te sê nie, jy hoef nie te praat nie Hoef niks uit te lê nie, dit is nog te gou Daarom vra ek jou asseblief wag net 'n bietjie langer want die seer in my siel word nog heel As dit weer moet gebeur wel, ek word al hoe banger so wag eers voor jy my streel Ek is nog nie gereed nie, vir die liefde, die een nie kan nog nie vergeet nie, ek moet eers nog berus ek is nog nie bereid om my weer oor te gee nie so wag net eers voor jy my kus Maar gee my 'n teken, 'n teken van lewe Geen woorde, geen raad nie, een kyk, net vir nou Jy hoef niks te sê nie, jy hoef nie te praat nie Hoef niks uit te lê nie, dit is nog te gou Veels te gou Ek weet nie of ek iemand so gou weer kan vertrou nie die vrees lê nog vlak hier verbloem Ek weet nie of ek nou al weer van iemand kan hou nie so wag eers voor jy iets doen Maar as ek kon kies dan sou ek by jou wees En as dit so gebeur dat jy regtigwaar bly dan moet jy my ewig en vir altyd getrou wees so wag net eers, wag eers vir my Maar gee my 'n teken, 'n teken van lewe Geen woorde, geen raad nie, een kyk, net vir nou Jy hoef niks te sê nie, jy hoef nie te praat nie Hoef niks uit te lê nie, dit is nog te gou Maar gee my 'n teken, 'n teken van lewe Geen woorde, geen raad nie, een kyk, net vir nou Jy hoef niks te sê nie, jy hoef nie te praat nie Hoef niks uit te lê nie, dit is nog te gou
Back to Top
Wiegeliedjie Woorde: Richard van der Westhuizen Musiek: Andrew Roos Die wind waai koud deur die donker nag die reën sak uit soos 'n jakkals blaf takke krap teen die vensterruit soos 'n spook wat 'n mensehart wil buit Ou-ou skepe wil jou kom haal deur die storms na droomland daal wie sal jou van die rowers red klein-kleine mensie alleen in jou bed Trek die lakens oor jou kop kruip weg soos jou hartjie harder klop knus in jou komberskasteel beskut teen die dief wat jou hart wil steel Sien jy vlermuise, hoor jy 'n uil hoor jy die weerwolwe buite huil ogies toe as die weerlig slaan wie weet watter skim in sy lig kan staan Die deur klap oop en die honde grom wie is dit wat na jou toe kom pa sal jou van die rowers red klein-kleine mensie alleen in jou bed	Onthou jy nog? Woorde: Hans Lodeizen Musiek: Herman van Veen Afrikaanse woorde: Richard van der Westhuizen Onthou jy nog? Terwyl die wind die bome buig en die blare van die takke skud het ons saam teen die reën geskuil en jy't nog so geskrik Toe ek jou sê dis als verby ons weë moet nou skei My arme kind, dis hartseer maar dis beter dat ek gaan Ek swyg en jy huil Onthou jy nog my hand wat joune saggies vashou omdat jy spoedig sou sien dat jy regtig meer verdien terwyl jy deur jou trane lag en sê….miskien Dis nou weer herfs dit reën Maar alleen skuil ek onder die lower en dink aan jou en ek ween
Genadewater Woorde en musiek: Richard van der Westhuizen Ek hoor jy hang nog steeds daar by die Crossroads Cafe uit Die mense sê jy dra jou kruis maar jy's meestal bloot gespuit Die strate word al harder en die gate al hoe meer en hoe jy deur daai mynveld loop wel dit moet jy nog leer 'n Paar ou has-been helde jive anderkant die puin op 'n beat wat al hoe dowwer word met 'n papsak warm wyn Die ding is, as jy plat lê val alles bo-op jou En dan moet jy óf opstaan Óf verbete begin grou Net 'n bietjie genadewater 'n druppel hemelreën Die heelal wat miskien weer sy geheime aan ons leen Net 'n bietjie genadewater laat die stof tog net gaan lê ons wat weer soos kinders kan sê wat ons wil sê Is daar vir 'n oumens eenkant en alleen nog genadewater, 'n bietjie genadereën God weet daar was tye wat ek die son nooit weer wou sien nie wat ek die hemel weet gevoel het dat ek geen noot of woord verdien nie Die bloed wat deur my are jaag is soms so swaar soos lood en elke woord en elke noot 'n droë krummel bitter brood Refrein	Buite val die reën Woorde: Richard van der Westhuizen Musiek: Wikus du Toit, Anneke Visagie Jy sê jy moet nou loop En so los jy my alleen Jou jas hang teen die kamerdeur Buite val die reën Ek hoor hoe jy die trap afstap Ek hoop jy weet waarheen 'n hond krap teen die agterdeur Buite val die reën En nou's daar net vier mure Die lig het grys versteen Die damp vlek teen die binnemuur Buite val die reën Ek sit hier voor die venster En hoor die wind wat kreun Die mis hang sulke slierte Buite val die reën Daar is geen sin of rede nie Eintlik bly mens alleen In 'n groter onbekende En buite val die reën Nagliedjie Woorde: Hennie Aucamp musiek: Richard van der Westhuizen Die aand word ál blouer en eindelik nag Gordyne haal asem terwyl hulle wag My lamp buig verstom oor 'n blanke vel en soek die simbole wat jou moet spel Maar vind net die weerstand van naakte begrip wat liefde gevolg het tot in die wip Gordyne bol wild Verskrik deur die wind van 'n liefde bly laastens net maar die wind
Back to Top
Blou blou water Woorde en musiek: Richard van der Westhuizen Blou blou water somerson Wie kan nou kla as die somer nader kom Blou blou water somerson Die dag lê ryp soos 'n groot vet botterblom Die ding wat ek wil hê soos ons stadig stroom af dryf Is dat jy in die son by my kom lê met jou lang bruin somerlyf As jy hier wil loop moet jy ligloop Voete in die warm sand As jy hier wil lê moet jy reg lê As jy vat dan vat jy met 'n sagte hand Blou blou water somerson Wie kan nou kla as die somer nader kom Blou blou water somerson Die dag lê ryp soos 'n groot vet botterblom Die wind is koel en droog en die lug skoon helderblou My hart begin te klop-klop soos jy jou arms om my vou 'n Voël vlieg oor die water die visse begin spring More kan wag tot later die dag sal bring wat die dag sal bring	Anthem Woorde en musiek; Richard van der Westhuizen Dis skemer oor ons land Die vreemde gloed van 'n verre brand Hang oor die newels van die rookmis en reën Die kranse staan as skildwag Voor die donker drom se hoonlag Waar die slanggif in die koue aarde pols Oor die witkant, oor die swartkant Oor die skaakbord van die hartland Kruip die groot kanonne al hoe nader Ongehoord en ongesiene In die drup-drup van morfiene Loop die uurglas nou algaande leeg Maar iewers is daar vrede En 'n beter dag, en 'n nuwe hede Iewers is daar vrede En die weerklank van 'n suiwer rede Iewers is daar vrede, wie weet waar? Mag die gode ons bewaar Mag die gode ons bewaar Mag die gode ons almal bewaar Waarheen daal die donker maan Wat sal op sy sekel staan Die land lê vol en ryp in vrug en blom Voor die silwer, voor die rooi Voor die mespunt en die prooi Slaan die staalblou weerlig op die valbyl se lem Nou weerklink die horinggeskal En iewers moet die dolos val In die droë stof wat oor die aarde lê Oor die erwe van ons vaad're Woed die wilde en makab're Klink die somber klaaglied van die naderende dood
Ballade vir 'n vreemdeling Woorde en musiek: Richard van der Westhuizen Dit reën hier waar dit nooit juis baie reën nie Die mis sleep laag, onrustig oor die rant So lank gedink ek kom nooit weer hierheen nie Na die doringbos en klip van niemandsland My spore lê versprei oor vele paaie Ek reis my lewe lank op soek na meer Ek steur my nie aan tyd of grens of mens nie Liefde, lus en trou het ek besweer Wat word van al die arme eensaam siele Wat dink geluk kan jy slegs in ander mense vind My lewe pas nou min of meer in 'n rugsak Uiteindelik leef ek skotvry soos 'n kind Miskien bly ek 'n maand of twee of langer Dalk word my stof nog deel van hierdie grond Dalk word ek soos die sleepmis oor die klippe Uiteindelik net 'n soutsmaak in die mond Intussen gloei my bloed soos warm yster Brand al wat 'n drang is diep in my Maar hartstog en geraas vind ek in stilte My vuur vlam wit in die misbank rondom my

Dorsland - 2001

Tussen Treine \| As my tas my kas is \| Buite val die reën \| Liefliedjie Nagliedjie \| Nog 'n Hotel \| Bloed syfer weg in die sand \| Cowboy kitaar My liefde \| Die viooltjies op Ouma se graf \| Dorsland \| Cowboy guitar \| 'n Laaste walsie voor die winter
Tussen Treine Woorde en musiek: Richard van der Westhuizen Ek wonder wat van jou geword het Jy wat nog so by my spook Ek weet net ons het die vuur gemaak Die wêreld aan die brand gestook Nou is die nagte soveel stiller Die dae eis hul eie tol Maar ons twee was die wilde wind se blare Ons kaartjies lê die hele wêreld vol Tussen treine, tussen stasies Lê daar basies net die leë spore Tussen treine, tussen stasies Lê die leë spasies van die onskuld nou verlore Nou vra ek waar het alles begin Die ding van los wees voor die wind Onthou jy ook die rook, die yster Die lig wat in die verte blink Dan dink ek terug aan soveel dae Soveel stawe op die spoor Ja daar was voorheen 'n tyd van treine Waar en wanneer het ons dit verloor? Tussen treine, tussen stasies Lê daar basies net die leë spore Tussen treine, tussen stasies Lê die leë spasies van die onskuld nou verlore Elke keer was dit 'n afskeid Elke keer weer 'n begin 'n Honderd haltes langs die spoor Elke stasie het sy eie skim Miskien het ek verleer om te kyk Jy bepaal jou eie baan Soms sien ek die skadu van jou spieëlbeeld As spieëls verbrokkel voor die maan	As my tas my kas is Woorde en musiek: Lochner de Kock As ek ver op reis is En my nagte grys is En my wakkerword koud soos ys is As my tas my kas is En my spens my jas is En gesigte om my uitgewas is Skryf ek briewe sonder woorde In die kamers van my hart Sing ek wysies sonder akkoorde Teen die donker wat my tart Ek stuur hul lugpos, spoedpos, e-pos Oor die eter deur die ruim Ek laat 'n duisend duiwe los Om elke poot net ons twee se geheim As ek teen die langpad rem Kilometers my beklem En die witstreep raak 'n lem As my radiostasie afdwaal My elektries bly faal En die stilte my inhaal Skryf ek briewe…… As ek weer by jou is En more weer te gou is En jy weer te kort my vrou is As ek na ons kind kyk En wonder hoe die wind lyk Wat my waai na die waar die wêreld vreemd ruik Skryf ek briewe……
Back to Top
Buite val die reën Woorde: Richard van der Westhuizen Musiek: Wikus du Toit, Anneke Visagie Jy sê jy moet nou loop En so los jy my alleen Jou jas hang teen die kamerdeur Buite val die reën Ek hoor hoe jy die trap afstap Ek hoop jy weet waarheen 'n hond krap teen die agterdeur Buite val die reën En nou's daar net vier mure Die lig het grys versteen Die damp vlek teen die binnemuur Buite val die reën Ek sit hier voor die venster En hoor die wind wat kreun Die mis hang sulke slierte Buite val die reën Daar is geen sin of rede nie Eintlik bly mens alleen In 'n groter onbekende En buite val die reën Nagliedjie Woorde: Hennie Aucamp musiek: Richard van der Westhuizen Die aand word ál blouer en eindelik nag Gordyne haal asem terwyl hulle wag My lamp buig verstom oor 'n blanke vel en soek die simbole wat jou moet spel Maar vind net die weerstand van naakte begrip wat liefde gevolg het tot in die wip Gordyne bol wild Verskrik deur die wind van 'n liefde bly laastens net maar die wind Bloed syfer weg in die sand Woorde en Musiek: Richard van der Westhuizen Gister is daar weer geslag Die kinders het nuuskierig staan en kyk Hoe die dier vasgepen op die lem lê en wag wat die man op die klip staan en slyp Ek kyk hoe die bloed loop Die warm pienk skuim uit die aar Die dier gaan dood met sy oë wyd oop voor die kinders wat stil staan en staar Bloed drup deur die vingers en stort oor die voet Van die man met die mes in sy hand Oë word glas die slagaar loop leeg Die dier het maar net soveel bloed En bloed syfer weg in die sand Bloed syfer weg in die sand Soms dink ek ek weet hoe dit is Vir die dier as hy daar lê en bloei Alles is suiwer is waarheid is niks Soos die lewe wat uit hom uit vloei Ek sien weer die vingers en hoor weer die vloek Van die vrou met my hart in haar hand Oë word glas word skerwe versplinter My lewe is maar net soveel bloed en bloed syfer weg in die sand Bloed syfer weg in die sand Bloed syfer weg in die sand Bloed syfer weg in die sand Cowboy kitaar Woorde & musiek: Richard van der Westhuizen Daar's 'n vuurtjie langs die grootpad naby Bitterfontein 'n Kraalbos wat brand duskant Brandberg se myn Loop die spoor van die cowboys Spektakelberg oor Is dit die stem van Roy Rogers wat ek verlangs kan hoor ? Die stem van Roy Rogers langs die ou Dorslandspoor Daar's 'n swart hings in die soutbos naby Soebatsfontein Is dit die Ruiter in Swart wat oor die rantjies verdwyn ? Het 'n spookperd die cowboys deur die Sandveld gedra ? Is dit Charles Jacoby daar voor op die wa ? Charles Jacoby en sy cowboy kitaar Cowboys sal kom, cowboys sal gaan Maar die beste was Bokkie in die lig van die maan Cowboy se perd, cowboy kitaar Loop die spook van ou Bokkie in Nababeep se bar Instrumental Dis die sekelmaan wat hang oor die skimmelperdpan Waar is Slim Whitman wat die drade kan span ? Oor die Boesmanland vlaktes sit Worsie en staar Dis die eggo van Bokkie Eloff se cowboy kitaar Die eggo van 'n cowboy se cowboy kitaar Cowboys sal kom, cowboys sal gaan Maar die beste was Bokkie in die lig van die maan Cowboy se perd, cowboy kitaar Loop die spook van ou Bokkie in Nababeep se bar	Liefliedjie Woorde en musiek: Lochner de Kock Met jou wil ek altyd elke oomblik deel Met jou sal die lewe my nooit kan verveel Met jou wil ek op 'n mallemeule ry Met jou wil ek in die maanskyn vry Vir jou wil ek arms vol sonneblomme pluk Vir jou wil ek my kitaarsnare ruk Vir jou wil ek rooiwang appelbome plant Vir jou wil ek 'n duisend bidkerse brand Jy's my somerhuis se rankroosbos My herfsgety se rooibruin blos My wintertyd se boontjiesop My lentebruid, my bloeiselpop Vir jou wil ek 'n rooi kersieboord aanplant Vir jou wil ek handevol soet wierook brand Ek wil vir jou 'n lied van geilgrond sing Ek wil vir jou 'n mandjie vol blomme bring Want jy laat my voel soos 'n koningskind Jy laat my sing soos 'n somerwind Jy laat my lag soos 'n sirkusnar Jy maak my kop skoon deurmekaar Jy's my somerhuis se rankroosbos My herfsgety se rooibruin blos My wintertyd se boontjiesop My lentebruid, my bloeiselpop Nog 'n Hotel Woorde & musiek: Richard v/d Westhuizen Ou Frank staan en preek daar in die bar Die Here moet maar help, die lewe druk swaar Sy boerboel lê buite op die bakkie en wag Maar hy vat nog 'n dop en hy preek nog 'n slag Ek wonder waar my siel is Maar ek sien net die stof In die pad duskant Kenhardt Op die vroeë moreskof Dis droog en dis warm, my tong is geswel Op die stoep langs die voordeur van die Okiep hotel En ek weet laat vanaand vra die mense vir meer More is my kop alweer van vooraf seer Ek sien nog die sterre Een aand op De Aar Toe my kar weer gaan staan het Net buite die bar Klipdrift en koffie, die kar is gelaai Die vlaktes lê wyd met die wind wat so waai Klipdrift en koffie, biltong en bier Dis 'n pad sonder einde, petrol is duur Ek mis jou my baby, maar ek sal jou mos bel Ek's alweer op die pad na nog 'n hotel Ja, ek mis jou my baby, maar ek moet jou vertel Die pad is vol klippe na nog 'n hotel Die skoolmeisies loer en wens iets wil gebeur Hulle giggel oor Steve op die voorblad van Keur Daar staan Boetie Mostert in die deur van die Grand Boetie speek die bass in die boeremusiekband My eerste kitaar Was 'n tweedehandse buck Maar nou is my foto Ook al in De Kat Die manne praat rugby, almal gee raad Die boere praat doogte, diesel en skaap Ek sien jou daar staan op die hoek van die straat En ek wens ons kon ag nog 'n maand langer praat Ek dink aan my gisters Ek sien soveel drome Die hotel op Vanrhynsdorp Haak-en-steek bome Klipdrift en koffie, die kar is gelaai Die vlaktes lê wyd met die wind wat so waai Klipdrift en koffie, biltong en bier Dis 'n pad sonder einde, petrol is duur Ek mis jou my baby, maar ek sal jou mos bel Ek's alweer op die pad na nog 'n hotel Ja, ek mis jou my baby, maar ek moet jou vertel Die pad is vol klippe na nog 'n hotel My liefde Woorde & musiek: Richard v/d Westhuizen My liefde lê so ver vannag Die blou blou berge oor Ek prewel haar geheime naam Waar slegs die nag dit hoor My liefde lê so stil vannag Waar ou ou winde waai My asem streel haar lippe sag Soos ek vergeefs haar drome raai 'n Blou blou vlam 'n Koue vlam 'n Vlam wat yster smee Die blou blou ys Die koue krys Die warm bloed wat skree My liefde lê in die donker nag So ver, ver van my af Soos skerwe glas weerklink haar lag Waar wolwe teen die volmaan blaf My liefde lê by my vannag Die silwer maan hang stil En ek, ek sing my hart se lied Wat ou en ver verlange vul
Die viooltjies op Ouma se graf Woorde en musiek: Richard van der Westhuizen Lientjie sit eenkant in 'n ou riempiestoel In die kroeg van die Elegance Go-Go Salon Verf gou haar naels, rook 'n laaste sigaret Want sy weet kort voor lank gaan die mans begin kom Sy sluk aan haar gin, skraap krag bymekaar Om courtesane te wees vir die mans rondom haar Die rooi om haar lippe, die grimering so geil Word die sluier waaragter sy naglank kan skuil Sy wonder, is die lug bo die Baai nog so blou En die volmaan bokant Lootsberg nog so helder en grou Brand die lig bo-op Towerkop nog steeds deur die nag Groei daar nog viooltjies op ouma se graf Soms kry sy lag as die spieël haar oog vang Vir haar lipstick en maskara en die blusher op haar wang En sy dink, dankie tog vir die halfskemerlig Want dis erger as die verf op 'n nar se gesig Soms is haar bed so koud, so alleen Dan gaan koop sy 'n chocolate en sit en kyk na die reën En sy dink, ja dis goed so, daar's geld in die bank Maar haar hart voel so leeg soos die glas in haar hand Sy wonder, is die lug bo die Baai nog so blou En die volmaan bokant Lootsberg nog so helder en grou Brand die lig bo-op Towerkop nog steeds deur die nag Groei daar nog viooltjies op ouma se graf Sy kyk deur die venster waar die winternag daal Na die wind wat die blare na willekeur maal Alles is so anders as waarvoor sy wens So maak die lewe mos maar met 'n mens Lientjie sit agter in die taxi en staar Na die nagloperskimme wat die nanag in vaar Die rookmis hang slierte oor die stad se verniel En die teerpad is hard soos die eelte om haar siel	Dorsland Woorde: Richard van der Westhuizen Musiek: Andre Swiegers Ek het jou laas gesien in die skaduwee Van 'n petrolpomp by 'n padkafee Bondeltjie klere in 'n sak op jou rug Tien jaar terug, met jou duim in die lug Toe't jy gesê jy gaan 'n tyd lank rus Die duine vat langs die skedelkus Jou vuur laat brand in die droë land Verdwaal aan die wêreld se verkeerde kant En nou vra jy my, het ons ver gereis Wat vra jy, ons het skaars begin Dis 'n lang, lang pad deur die droë land Nou wil jy weet, het ons iets hier beet Wat vra jy, ek het klaar vergeet Maar ons draf min of meer voor die donderweer In die suide van Afrika Ek dink ek het die helfte van my hart verloor Naby Bitterfontein, op die dorslandspoor Maar dis hoe dit werk, jy betaal uit die hand Geraamtes bly agter in die stof en die sand Hoor jy die eggos, dis die tyd van die dier Hoor jy as die ysterklippe teen mekaar skuur Ons bly nomades in 'n niemandsland verdwaal aan die wêreld se verkeerde kant En nou vra jy my, het ons ver gereis Wat vra jy, ons het skaars begin Dis 'n lang, lang pad deur die droë land Nou wil jy weet, het ons iets hier beet Wat vra jy, ek het klaar vergeet Maar ons draf min of meer voor die donderweer In die suide van Afrika
Back to Top
Cowboy guitar Words & music: Richard van der Westhuizen There's a fire by the roadside in the desert of dreams Where a lonesome young cowboy is cooking bacon and beans And the mountains are high, they're as high as the stars As he sits there he imagines he can hear from afar The sound of a lonesome old cowboy guitar The prairies are wide and the desert is dry The sicklemoon hangs low in the lonely night sky The trail of the horses leaves a desolate scar Like the sound in the night you can hear from afar The sound of a lonesome old cowboy guitar Cowboys have come, cowboys have gone The wild west is silent, but the legend lives on In the heart of every drifter, in the lure of a star And the lone distant echo of a cowboy guitar Now the highways and the railroads they cover the ground There are satellites and jet planes in the air all around But I'm putting on my boots, and I'm heading for the stars Where the ghosts of the cowboys roam free and roam far With my hat and my lonesome old cowboy guitar Cowboys have come, cowboys have gone The wild west is silent, but the legend lives on In the heart of every drifter, in the lure of a star And the lone distant echo of a cowboy guitar	Jy gee my soveel ruimte
Wat jy ookal wil doen	Die Warmsand Tango
'n Laaste walsie voor die winter	Jy en jy en jy en jy
Liewe Ma

Vuurklip - 1998

Vuurklip \| Jou kombers \| Skepe in die nag (Deel 2) \| Hartlam Kom Duzi met my baby \| Stukkend \| Bêre daai ding \| Ek hou van 'n man 'n Lied vir die nuwe jong Suid-Afrika \| As jy my vra \| Die brylcream breker \| Die swart, rooi en grys Wintersprokie \| Afrika \| Dooierus \| Onderture
Vuurklip Woorde en musiek: Richard van der Westhuizen en Lochner de Kock En wanneer sal die klip, swygsame draer van die woord Die oer-ou stilte van millenia se heilig eed verbreek? En wanneer sal die mure om die stad van waansin Weer tot stof verbrokkel, na benede stort? Om deur die water en die wind, en tonge van die vuur Gesuiwer, rotsvas uit te troon bo hierdie klein bestaan? In die swoel baarmoeder van haar, ons aardse moeder Lê die rots en wag, 'n blinde Argonout op reis Na nêrens, om deur die warmwit vuur gestut Deur vulkaan, die donker Leviatan Uitgespoeg te word......... as klip. Ouer as die moeë aarde, tempels van vergange tyd Stemlose draer van die stil ballade, woordloos teen verwyt. Draer van die oergeheim, oorsprong van die mens se pyn. En sou ons deur die waarheid stap En sou ons dan die klip kon tap Sou ons eendag helder weet Van die klip, van die bloed Van die sweet, van die bid Van die goed, van die weet.... En ons tap voort En ons pleeg moord En ons weet Klip moet sweet Maar die klip lê doodstil En die klip bly tjoepstil Want hy weet, want hy weet Nou maal die warm magma Uit die donker aarde uit En stu die strome lawa Soos die rots skeur en ontsluit kruipend klots, die warm rots Daar's niks op hierdie aarde Wat klip en vuur kan stuit Die delwers grou hul gate Om soos molle daar te kruip En strompel onder rotse Brand en bloei vir hulle buit Die vuur brand wit, diep in die klip Niks op hierdie aarde Sal klip en vuur ooit stuit	Jou kombers Woorde en musiek: Richard van der Westhuizen en Lochner de Kock Partykeer word ek wakker in die middel van die nag En verjaag die duisend spoke wat om my bed staan en lag Daar's gesigte in die skaduwees wat spook teen die plafon Gesigte wat my vaskeer in die bodem van 'n drom En ek draai my oë weg van die spieël 'n Vreesbevange imbesiel: In die klere oor die stoel, in die donker by die deur Staan 'n onbekende man, en sy gesig is toegesmeer In die flits van elke weerlig, in die slag van elke straal In die swiep van elke lem klink 'n onbekende stem En ek draai my oë weg van die spieël 'n Vreesbevange imbesiel: Jy kan sê wat jy wil, jy kan doen wat jy wil Wanneer raak die stemme stil En ek rol my toe in die voue Van jou liefde se laslapdonskombers En ek rol my toe teen die koue vlam Van die oë in elke lappie van jou kombers, jou kombers Brandende oë in bleekwit gesigte in Elke fokken lappie in jou kombers Liefdevolle lappies vol liefde vasgenaai, Klewerig en taai in jou kombers Daar's 'n man vir elke lappie, en elkeen vat 'n happie Van die kak ou grappie in jou kombers, jou kombers In die klere oor die stoel, in die donker by die deur Staan 'n onbekende man, en sy gesig is toegesmeer In die flits van elke weerlig, in die slag van elke straal In die swiep van elke lem klink 'n onbekende stem En ek draai my oë weg van die spieël 'n Vreesbevange imbesiel: Wat doen jy om die lappies uit jou lewe uit te kry Wat doen jy as die koue soos 'n vuur in jou gedy Dit brand hier binne in my, ek's verlore teen die vuur Ek stamp my kop in dodelike reëlmaat teen die muur En ek draai my oë weg van die spieël 'n Vreesbevange imbesiel: Dis 'n ongewone liefde as die liefde jou verteer En die snykant van die woede is 'n sinnelose seer En ek rol my toe in die voue Van jou liefde se laslapdonskombers En ek rol my toe teen die koue vlam Van die oë in elke lappie van jou kombers, jou kombers
Back to Top
Skepe in die nag (Deel 2) Woorde en musiek: Richard van der Westhuizen Waarvoor is ek bang Waarvoor is ek bang Dis 'n fyn, fyn draad Wat die liefde soms aan hang Weerlose woorde Gevlek tot op die been Nou word alles helder Meteens is ons alleen Bakens in die nag Skepe sonder vlag Hoor jy my Hoor jy my Vaar ons bymekaar verby Nou het ek jou gekry Sal die liefde by ons bly Bly by my Bly by my Stil die storms, stil Soms as ek jou sien Probeer ek aan jou raak Maar my hand hang halfpad stil As die woorde my verlaat Hoeveel keer probeer Hoeveel keer verloor Liefde in 'n spieël Is liefde sonder spoor	Hartlam Woorde en musiek: Richard van der Westhuizen en Lochner de Kock Kom bly hier in my hart, lam Kom in en maak jou tuis Daar's soetwyn op my tafel Kos in my kombuis Kom bly hier in my hart, lam Kom in en maak jou tuis Daar's 'n kussing vir jou kop En 'n hangkas vir jou beste rok Kom bly hier in my hart, lam Kom in en maak jou tuis Kyk, ek breek 'n brood vir jou Skink jou glas vol, sou jy wou Geen toemaar vir geen donker man In hierdie kamer, daardie gang Geen jammer en geen argument In hierdie huis is als bekend Geen harde woord, geen stil verwyt Skop gerus jou skoene uit Kom bly hier in my hart, lam Kom in en maak jou tuis Kom gee vir my jou tasse Dis die einde van jou reis Kom bly hier in my hart, lam Kom in en maak jou tuis Kom laat ek jou voete vryf Die verste pad se stap verdryf Kom bly hier in my hart, lam Kom in en maak jou tuis Kom laat ek jou oë kus Kom in, en kom tot rus. Geen toemaar vir geen donker man In hierdie kamer, daardie gang Geen jammer en geen argument In hierdie huis is als bekend Geen harde woord, geen stil verwyt Skop gerus jou skoene uit
Kom Duzi met my baby Woorde en musiek: Richard van der Westhuizen en Lochner de Kock Kom duzi met my baby, ruk en rol Die sjebeen is oop tot dagbreek, komaan, jol Khuluma met my baby, kom ons praat Laat ons vatkry aan mekaar, komaan dans in die straat Woza, Woza, Woza, Woza, sê vir my ja Woza, Woza, Woza, Woza, as ek jou vra Woza, Woza, Woza, Woza sê vir my ja Mamma, Baba, Buti, Sisi - Woza My Bra, woza my bra Kom duzi met my baby, woza! kom ons fuif Die sjebeen is oop tot dagbreek, woza! vat aan my lyf Khuluma met my baby, woza! hoe sê jy nou Laat ons vatkry aan mekaar, woza! ek laaik van jou Woza, woza, woza, woza, sê vir my ja Woza, woza, woza, woza, as ek jou vra Woza, woza, woza, woza, sê vir my ja Mamma, baba, buti, sisi - Woza my bra Kom duzi met my baby, woza! kom laat ons jive Die sjebeen is oop tot dagbreek, woza! tot half past five Khuluma met my baby, woza! gryp my gou Laat ons vatkry aan mekaar, woza! ek hou van jou Woza, woza, woza, woza, sê vir my ja Woza, woza, woza, woza as ek jou vra Woza, woza, woza, woza sê vir my ja Mamma, baba, buti, sisi - Woza my bra, woza my bra Kom duzi met my baby, woza! utshwala tyd Die sjebeen is oop tot dagbreek, woza! skokiaan byt Khuluma met my baby, woza! praat in my oor Laat ons vat aan mekaar, woza! laat ons toor Woza, woza, woza, woza, sê vir my ja Woza, woza, woza, woza, as ek jou vra Woza, woza, woza, woza, sê vir my ja Mamma, baba, buti, sisi - Woza my bra Mamma, baba, buti, sisi - Woza my bra Mamma, baba, buti, sisi - Woza my bra Woza!	Stukkend Woorde en musiek: Lochner de Kock en Richard van der Westhuizen Dis skemer Sondagmiddag, en die blues byt aan my keel Dis skemer Sondagmiddag, min of meer bly niks meer heel Die donker is 'n weggooibrak wat aan my hart se deur bly krap Die donker wat verbete stap en spore oor my hart bly trap O, ek verlang, ek verlang my stukkend 'n Naamloos klein geluk glip deur my vingers Ek wil riviere vas kan vat, die see se dreuning teen my hou Elke woord van jou onthou Maar alles bly so blou, Alles bly so rou Dis skemer Sondagmiddag, en die blues byt aan my keel Dis skemer Sondagmiddag, nog 'n week is klaar verbeel Die son is weg, die nag neem oor, die donker raak 'n ou kombers Ek druk my kop diep in die nag, sal stories ooit hul sin verloor O, ek verlang, ek verlang my stukkend 'n Naamloos klein geluk glip deur my vingers Ek wil riviere vas kan vat, die see se dreuning teen my hou Elke woord van jou onthou Maar alles bly so blou, Alles bly so rou Dis skemer Sondagmiddag, en die blues byt aan my keel Ek probeer jou hande vasgryp met die sekelmaan se geel Die honde wat daar verlangs blaf is 'n lang vergete brief Hulle skryf hul waansin deur die nag, hulle blaf:"Ek het jou lief" O, ek verlang, ek verlang my stukkend 'n Naamloos klein geluk glip deur my vingers Ek wil riviere vas kan vat, die see se dreuning teen my hou Elke woord van jou onthou Maar alles bly so blou, Alles bly so rou
Back to Top
Bêre daai ding Woorde en musiek: Richard van der Westhuizen en Lochner de Kock Sy trek my plat, sy tel my op Dis sy wat my bene so styf laat skop Sy maak my bang Sy maak my lam My kopvel kriewel en my tone jeuk Ek hyg na asem en my palms sweet Sy maak my lam Sy blaas my op, sy blaas my af Sy laat die Parktown prawns teen my rug af draf Sy maak my bang Sy maak my lam Ek skommel en ek skud soos 'n jellievis Gee my medisyne teen die wilde lus Sy maak my lam Bêre bêre bêre bêre bêre daai ding Diep binne-in in 'n suitcase in Trap versigtig, hei go slow Sy's my stukkie, sy's my vrou! Sy sluk my in, sy spoeg my uit Sy laat my ore soos 'n telefoon tuit Sy maak my bang Sy maak my lam Ek fluit deur die drade soos 'n telegram Ek hoes en ek poep soos 'n boerbokram Sy maak my lam Sy draai my oop, sy maak my toe Sy laat die water na brandewyn proe Sy maak my bang Sy maak my lam Sy check my uit en sy check my in Sy sê: "Hallo baby, dis maar net die begin!" Sy maak my lam!	Ek hou van 'n man Woorde en musiek: Lochner de Kock en Richard van der Westhuizen Ek hou van 'n man wat sy man kan staan Wat sy drank kan vat en sy vrou kan slaan 'n Man met 'n oog wat 'n bars kan kyk Wat na sweet, tabak en horing ruik 'n Man is nie 'n klip nie 'n Man mag nooit opslip nie 'n Man moet rook en hard kan suip 'n Vrou oorwin op die eerste date Ek hou van 'n man wat sê wat hy moet 'n Man wat nie skrik vir oorlog en bloed 'n Man wat nie wyk, wat hou van geweld 'n Man wat sukses kan koop met geld 'n Man is nie 'n klip nie 'n Man mag nooit opslip nie 'n Man moet rook en hard kan suip 'n Vrou oorwin op die eerste date Ek hou van 'n man wat raak kan skiet Wat baas kan speel op my gebied Wat 'n moffie kan neuk met 'n harde vuis Kommuniste verjaag uit sy Christenhuis 'n Man is nie 'n klip nie 'n Man mag nooit opslip nie 'n Man moet rook en hard kan suip 'n Man oorwin op die eerste date Ek hou van 'n man wat lekker kan vry Met 'n harde baard wat in my wange sny 'n Man wat nooit in badolie bad Met harde hande wat my vas kan vat Ons hou van 'n man wat stink na sweet Wat als van politiek en godsdiens weet 'n Man wat selfs nie die duiwel vrees En 'n leier vir sy volk kan wees
'n Lied vir die nuwe jong Suid-Afrika Woorde en musiek: Richard van der Westhuizen en Lochner de Kock Op die plaas Kafferkraal langs die Kafferrivier In die skadu van 'n rooi Kafferboom Sit Mara Terre'Blanche op 'n wit stinkhoutstomp Van 'n ridder op 'n wit perd en droom Sy kyk na die kafferkoring geil op die land En die ryp wit aarde wat haar so behaag En soos die pap in die kafferpot wat prut bo die vuur Broei die piepkleine baba wat groei in haar maag Sy pa was 'n kaffer, sy ma 'n boerin En hy, kleine dingetjie, is in sy moer in Hy sit sonder pappa, sonder kerk, sonder naam Hy't net sy twee voete waarop hy kan staan Op die plaas Kafferkraal langs die Kafferrivier Met haar hare in 'n vlegsel gebind Sit Mara Terre'Blanche, dogter van die volk Sit sy en sing vir haar ongebore kind "Jou bloed dra die gene van Dingaan en Retief "Jou naelstring gekloof deur asgaai en geweer "Sal jy soos ons voorvaders moor en bedrieg "Of is jy, my klein baster, ons laaste verweer.." "Jou pa was 'n kaffer, jou ma 'n boerin "En jy, kleine dingetjie, is in jou moer in "Tussen kaffer en boer is jou doppie geklink "Mag jy geseênd wees met 'n houtkop wat kliphard kan dink".	As jy my vra Woorde en musiek: Richard van der Westhuizen en Lochner de Kock As jy my vra-a-a-a Of ek van jou hou-ou-ou-ou Dan check ek jou-ou-ou-ou My liewe vrou-ou-ou-ou En ek lag in my kies Voor ek my vervies Is jy nou deurmekaar Of het die jare jou laat bedaar Onthou jy nog in standerd sewe Of het jy vergeet van ons liefdeslewe Van briefies aanstuur van bank tot bank Of skelm vat aan mekaar se hand Of het jy vergeet van daai koue angssweet As jou maats jou skeefkyk oor jou nuwe date En jy koelkop snork en 'n sigaret opsteek Want niemand mag van ons liefde weet As jy my vra-a-a-a Of ek van jou hou-ou-ou-ou Dan check ek jou-ou-ou-ou My liewe vrou-ou-ou-ou En ek lag in my kies Voor ek my vervies Is jy nou deurmekaar Of het die jare jou laat bedaar En luister net 'n bietjie na die nuutste Elvis liedjie Wat jou toppie malmaak en jou ou tannie laat kraak En al sy bewerasies, generasies se purgasies As die onnies almal lyk soos Pat Boone variasies En natuurlik is daar ook 'n hele klomp wat rook Om kasueel koel te wees, maar bly pieringoog bevrees Want om skoolprefek te wees, gemanierd en kwaai bedees is geen geringe prestasie vir die nuwe generasie!
Back to Top
Die brylcream breker Woorde en musiek: Richard van der Westhuizen en Lochner de Kock Ek sê hou op met kyf, kom vat aan my lyf My hare is ge-olie en my snaar is styf My sussie dra maskara, en my boetie's in die tronk My mamma tease haar hare, en my toppie's heeldag dronk Ek sê, check my net skeef, vat 'n duck, beware Loop speel met jou antie, jy's ma only square Ek is die brylcream breker van Blikkiestown My two tone skoene is ge-white en ge-brown Ek is die brylcream breker van Blikkiestown En as jy my nie skrik sal ek jou diktik Ek sê jy scheme jy's cool, maar ek is nobody's fool Jy's cool soos 'n oven, jy weet niks van true lovin' Jy't 'n lekker cheek om my sheila uit te check Ek pos jou comatose in die clinic vir 'n week Ek sê jy's chicken my ou, ek sal jou dubbel vou Ek sal jou rol my gabba lat jy ruik na rubber Ek is die brylcream breker van Blikkiestown My two tone skoene is ge-white en ge-brown Ek is die brylcream breker van Blikkiestown En as jy my nie skrik sal ek jou diktik Ek dra 'n ketting om my nek, en my Harley is ge-chrome Die rock en roll circuit is my one and only home Ek sê jy scheme jy kan drink, maar jy maak 'n fout My moedersmelk was 'n straight cane en coke En die moegoes worry, hulle cherries soek my body Maar al wat ek skrik is ......Mister Nobody! Ek is die brylcream breker van Blikkiestown My two tone skoene is ge-white en ge-brown Ek is die brylcream breker van Blikkiestown En as jy my nie skrik sal ek jou diktik	Die swart, rooi en grys Woorde en musiek: Richard van der Westhuizen en Lochner de Kock Hei broer, Johnny Mes lê en bloei in die straat Sy eie mes in sy bors, dis so by so al te laat Die pimps en die hoere staan eenkant en kyk Maar broer, Johnny Mes is maar net nog 'n lyk Daar's besigheid in Bloedstraat, die manne gaan score Die dope gaan vir wholesale, en die boys sê daar's more Hulle't Bheki Khumalo gisteraand opgetel Verstik in sy kots, met die naald nog in sy vel Die alleys en die backstreets is 'n jungle, my bra Jy leef op die snykant van die mes wat jy dra Elke dag het sy dooies, elke man het sy prys Gyselaars almal van die swart, rooi en grys Hei broer, ek en jy is take-away kos Blink aan die bokant, maar binne gemors En die pis en beton, en die bloed en die teer Is die sous waarmee ons ons siele besmeer Ek is honger, my broer, en my body is koud My bene is moeg, ek's 'n honderd jaar oud Die bloed in my are is suur soos ou wyn My hart is soos yster, vol roes en vol pyn Die alleys en die backstreets is 'n jungle, my bra Jy leef op die snykant van die mes wat jy dra Elke dag het sy dooies, elke man het sy prys Gyselaars almal van die swart, rooi en grys Die tyd het gedros, die nagte is oud Die duiwel is los en die lug proe na sout Jou lyf hang slap, my broer jy is swaar As ek jou net kon optel Sou ek jou optel en self hier uitdra....
Wintersprokie Woorde en musiek: Richard van der Westhuizen 'n Winter herhaal hom na ses, sewe jaar 'n Wysie wat spook op 'n stokoue snaar Jy probeer dit verduidelik probeer dit besweer en jy dink jy verstaan dit: Wel, die dinge gebeur Die wind van die berg af laat die dakplate kreun Vieruur in die môre in die triestige reën So maak ons liefde so leef ons weer en dan neem ons afskeid tot die volgende keer Dai da da da dai... Ek wens ek was by jou daar waar jy nou bly Maar nou ja, jy's so ver en die tyd vlieg verby Vertel my van liefde ek leer soos 'n kind want my hart is deur die jare se kalklig verblind Dai da da da dai........ Soms so onseker soms selfvoldaan Liefde weet beter die hart sal verstaan	Afrika Woorde en musiek: Richard van der Westhuizen en Lochner de Kock Daar's soveel mense wat my vra Wie se naam ek eintlik dra Wie was my ma, wie was my pa En hoe voel ek oor Afrika Daar's soveel mense wat bly krap Wat dink die lewe is 'n grap 'n Mallemeule ossewa Wat reis deur Afrika Afrika is in my bloed Afrika, ek hoor jou roep Afrika, jou gras is soet Daar's soveel mense wat nie weet Of hul bloot blindstaar teen die leed Van soveel ander om hul heen Wat leef sonder genadereën Daar's soveel mense wat bly hoop Al het die uurglas leeggeloop Die weegskaal wik, die weegskaal weeg Uiteindelik raak alles leeg Afrika is in my bloed Afrika, ek hoor jou roep Afrika, jou gras is soet Daar's soveel mense wat bly soek Soveel stemme wat bly roep Soveel vrae in die lug Soveel is ontwrig Daar's soveel lewens op die spel Skaakmat is jou kleur van vel Die winterwinde kom en gaan Maar Afrika, Afrika gaan aan... Afrika is in my bloed Afrika, ek hoor jou roep X3 Afrika, jou gras is soet
Dooierus	Onderture

Ballade vir 'n Enkeling 2 - 1993

Skepe in die Nag Deel 2 \| Skepe in die Nag Deel 1 \| Begintitels \| Enkeling Voshaarnooi \| Kom en hou my vas \| Jacques en Deirdré \| Shiva en Lood Jonathan se Tema \| Liebet se Tema \| Liebet se smart \| Wikus se tema Mareike se tema \| Verkragtingstoneel \| Eindtitels
Skepe in die Nag Deel 2 Woorde en musiek: Richard van der Westhuizen Waarvoor is ek bang Waarvoor is ek bang Dis 'n fyn, fyn draad Wat die liefde soms aan hang Weerlose woorde Gevlek tot op die been Nou word alles helder Meteens is ons alleen Bakens in die nag Skepe sonder vlag Hoor jy my Hoor jy my Vaar ons bymekaar verby Nou het ek jou gekry Sal die liefde by ons bly Bly by my Bly by my Stil die storms, stil Soms as ek jou sien Probeer ek aan jou raak Maar my hand hang halfpad stil As die woorde my verlaat Hoeveel keer probeer Hoeveel keer verloor Liefde in 'n spieël Is liefde sonder spoor	Skepe in die Nag Deel 1
Begintitels	Enkeling
Voshaarnooi	Kom en hou my vas
Jacques en Deirdré	Shiva en Lood
Jonathan se Tema	Liebet se Tema
Liebet se smart	Wikus se tema
Mareike se tema	Verkragtingstoneel
Eindtitels

Tussen Treine - 1991

Tussen treine \| En Daar's die see \| Fanie en Jabulani \| Ballade vir 'n enkeling \| Bedelaar \| Die kinders van Afrika \| Rivierklip \| Anthem Liefliedjie \| Prinses Van Harte
Tussen treine Woorde en musiek: Richard van der Westhuizen Ek wonder wat van jou geword het Jy wat nog so by my spook Ek weet net ons het die vuur gemaak Die wêreld aan die brand gestook Nou is die nagte soveel stiller Die dae eis hul eie tol Maar ons twee was die wilde wind se blare Ons kaartjies lê die hele wêreld vol Tussen treine, tussen stasies Lê daar basies net die leë spore Tussen treine, tussen stasies Lê die leë spasies van die onskuld nou verlore Nou vra ek waar het alles begin Die ding van los wees voor die wind Onthou jy ook die rook, die yster Die lig wat in die verte blink Dan dink ek terug aan soveel dae Soveel stawe op die spoor Ja daar was voorheen 'n tyd van treine Waar en wanneer het ons dit verloor? Tussen treine, tussen stasies Lê daar basies net die leë spore Tussen treine, tussen stasies Lê die leë spasies van die onskuld nou verlore Elke keer was dit 'n afskeid Elke keer weer 'n begin 'n Honderd haltes langs die spoor Elke stasie het sy eie skim Miskien het ek verleer om te kyk Jy bepaal jou eie baan Soms sien ek die skadu van jou spieëlbeeld As spieëls verbrokkel voor die maan	En Daar's die see Woorde en musiek: Richard van der Westhuizen Dis soos 'n lied van die ou druïdekore Die branders op die strande Eindelose suising om ons ore En daar's die see Deur al die jare onveranderd Deur al die jare slegs die see Deur jou storms en jou stiltes dreun en fluister Legendes en ballades Uit die dieptes ver en duister Stem van die see Deur al die jare onveranderd Deur al die jare slegs die see Nou is die son en die sand weer op ons lywe Die sonlig se strepies om ons oë Ons is weer taai in die gesig Daar is 'n soutsmaak in die lug Die branders kom en gaan Die windjie waai, die skuite drywe Die roep van die walvis in die water Klink veraf in die deining Maar die rus die kom vroeër of later Diep uit die see Deur al die jare onveranderd Deur al die jare slegs die see Eens was ons saam met die seewind in ons hare Die seewind oor die strande Maar die branders breek nou oor die spore Nog net die see Deur al die jare onveranderd Deur al die jare slegs die see Was ons drome en ons drifte dan 'n sonde Was ons liefde dan oplaas maar tog gebonde Die wind is taai in my gesig Jy met jou sproete op jou rug Die branders kom en gaan En ons gaan lê, en lek ons wonde
Ballade vir 'n enkeling Woorde en Musiek: Richard van der Westhuizen Vreemde nag Skarlaken nag Koerantpapiere, baksteenmure Neon nag Sirenes onder 'n donker maan Nag na nag Mens na mens Donker nagte, onverwagte Skadufigure En elkeen is uiteindelik Enkeling, vreemdeling, verstoteling Rug gedraai op die ligtekring Agterstevoor, onderstebo, Vreemdeling, enkeling alleen Agterstevoor, onderstebo, Vreemdeling, enkeling alleen Dag na dag Straat na straat Kaart na kaart Mens na mens Nag na nag Dans na dans is elkeen 'n Enkeling	Fanie en Jabulani Woorde:Lochner de Kock Musiek: Lochner de Kock en Richard van der Westhuizen Fanie en Jabulani was saam, maar ook nie saam nie Kleintyd heeldag saam gespeel, die suiderson gedeel Fanie en Jabulani leer loop, maar ook nie saam nie Grootwordtyd se paadjies het skielik nie meer naam nie Die paaie kruis, loop dood, verdwyn In die slaggat van die tyd Vriendskap verdwaal, verloor die spoor In die klitsgras van verwyt Fanie en Jabulani verstaan, maar nie mekaar nie Die nuwe tyd het ingehaal, die suiderson word vaal Fanie en Jabulani leer haat, maar dit maak nie saak nie Grootwordtyd het nou geraak, kleintyd is geskaak Die paaie kruis, loop dood, verdwyn In die slaggat van die tyd Vriendskap verdwaal, verloor die spoor In die klitsgras van verwyt Fanie en Jabulani stry die stryd, maar nie tesaam nie Die tyd is uitgestippel, die suiderson gevlek Fanie en Jabulani leer sterf op haat se donker werf Grootwordtyd is doodwordtyd, kom kinders, dis slaaptyd
Bedelaar Woorde en musiek: Richard van der Westhuizen Ons liefde is beleë In die kelders van die hart Rooi en ryp en rustig Al was die oesjaar so verward Ek drink vanaand sjampanje Ek dink vlugtig aan jou En klink die glase halsoorkop Dit was die laaste sien van jou En soms nog staan ek by jou venster Weereens die stille troebadoer En stort my waansin en my drifte Waar saans die wintertakke roer Wie, wie dra jou deur die donker En maak die dieper stilte sag En lê jou neer op mos en varing Tussen sterre vir die nag Nou ja dankie vir jou drome Futiele drome in die wind En ek die ydele bedelaar Wat daarop trap, en als verslind	Rivierklip Woorde: Lochner de Kock Musiek: Richard van der Westhuizen Telkemale soek jy na Iemand om jou pyn te dra Maar meermaal gryp jy na My leë palms ongevra In die nag van swart vergetelheid Sink ek, rivierklip van die tyd Daal en draai om weg te sink Na waar jou pyn my nooit kan vind Meer as dikwels is dit ek Wat weer jou hart se wond moet lek En telkens hou ek my rug weer breed Om berge van jou pyn te meet Maar in die dag se skerp herken Brand ek, verskroeid, verkoold, verseng Kruip ek weg, totaal verblind Ontbloot, en wondbaar soos 'n kind Min of meer vra ek jou Wat dan van my klein berou Het ek al my kaarte oopgegooi Was ek nie nou jou hart se prooi Nou sak die skemer van magt'loosheid Dryf jy verder weg, verlede tyd Het ingehaal, die nag is koud Ontbloot, tot eensaamheid verhaal
Back to Top
Die kinders van Afrika Woorde en Musiek: Lochner de Kock Die kinders van Afrika sit langs die vuur Krap in die louwarm as Verhale en mites vervlieg in die nag Die toekoms is 'n storie uit pas Die jare het hul in die stampblok gemaal Met wette geskaaf en geskaal Hul gisters het hul in die nanag verlaat Verblind, afgesonder, gehaat Maar die kinders van Afrika stook nou die vuur Blaas op die rooiwarm as Verhale en mites herrys uit die nag Legendes word weer aangepas En die jare val weg soos 'n ou droë blaar Vergete, ontwapen, ontaar Die dae herrys as die nanag breek Soos 'n phoenix wat alles wil weet En die kinders van Afrika loop deur die land Met fakkels wat die duister laat vlug Skadu's verhelder, verdwyn in die brand En die duister maak plek vir die lig En die nuwe dag breek met 'n vrugwater vloed Helder en warm, vol bloed Met geboorte van kennis word die duister verdryf En met die stem van 'n kind wat uitroep Kom kinders van Afrika, kom saam met ons Kom laat ons die ligdag begroet Vergeet van die duister se ketting en slot Kom laat ons mekaar nou ontmoet n'Kosi Sikelel' iAfrika	Anthem Woorde en Musiek; Richard van der Westhuizen Dis skemer oor ons land Die vreemde gloed van 'n verre brand Hang oor die newels van die rookmis en reën Die kranse staan as skildwag Voor die donker drom se hoonlag Waar die slanggif in die koue aarde pols Oor die witkant, oor die swartkant Oor die skaakbord van die hartland Kruip die groot kanonne al hoe nader Ongehoord en ongesiene In die drup-drup van morfiene Loop die uurglas nou algaande leeg Maar iewers is daar vrede En 'n beter dag, en 'n nuwe hede Iewers is daar vrede En die weerklank van 'n suiwer rede Iewers is daar vrede, wie weet waar? Mag die gode ons bewaar Mag die gode ons bewaar Mag die gode ons almal bewaar Waarheen daal die donker maan Wat sal op sy sekel staan Die land lê vol en ryp in vrug en blom Voor die silwer, voor die rooi Voor die mespunt en die prooi Slaan die staalblou weerlig op die valbyl se lem Nou weerklink die horinggeskal En iewers moet die dolos val In die droë stof wat oor die aarde lê Oor die erwe van ons vaad're Woed die wilde en makab're Klink die somber klaaglied van die naderende dood
Liefliedjie Woorde en musiek: Lochner de Kock Met jou wil ek altyd elke oomblik deel Met jou sal die lewe my nooit kan verveel Met jou wil ek op 'n mallemeule ry Met jou wil ek in die maanskyn vry Vir jou wil ek arms vol sonneblomme pluk Vir jou wil ek my kitaarsnare ruk Vir jou wil ek rooiwang appelbome plant Vir jou wil ek 'n duisend bidkerse brand Jy's my somerhuis se rankroosbos My herfsgety se rooibruin blos My wintertyd se boontjiesop My lentebruid, my bloeiselpop Vir jou wil ek 'n rooi kersieboord aanplant Vir jou wil ek handevol soet wierook brand Ek wil vir jou 'n lied van geilgrond sing Ek wil vir jou 'n mandjie vol blomme bring Want jy laat my voel soos 'n koningskind Jy laat my sing soos 'n somerwind Jy laat my lag soos 'n sirkusnar Jy maak my kop skoon deurmekaar Jy's my somerhuis se rankroosbos My herfsgety se rooibruin blos My wintertyd se boontjiesop My lentebruid, my bloeiselpop	Prinses Van Harte Woorde: Lochner de Kock en Richard van der Westhuizen Musiek: Richard van der Westhuizen Jaarliks hier teen nuwejaar, as die proppe skiet en die klokke lui Keer my kop na jou terug, en ek wonder, dink jy nou aan my Al is dit net 'n dag of twee, of hoogstens dalk 'n uur Moet jy, soos ek, die snykant van herinnering verduur? Om in die nuwejaar maar weer myself in spieëls te vind 'n Masker, leeg en onbekend, sjampanje, plat en leeggedrink Driehonderd vier en sestig dae leef ek by jou verby Maar op die laaste dag verkrummel ek, voor ek myself kan kry Maar as jy my kon sien, my skat, as jy my nou kon sien Ek is allright, ek is in beheer, intussen soveel tricks geleer Jou houvas het ek hokgeslaan Ek weet presies nou waar ek staan Prinses van harte speel jou hand Gooi oop jou kaarte, ek's bestand Maand'liks hier teen nuwemaan as die nag weereens te donker raak Soek ek blindweg na jou lig: Maak dit enigsins nog saak Net 'n brief of twee, of dalk 'n telegram Laat weet my, skerp die snykant van my nagte se verlang Wanneer my wekker klokslag, skokslag op my skel My droom versplinter, my terugruk na die nuwe dag se hel Wonder ek verward hoe sal ek jou vermy Of dalk my oë toeknyp voor herinnering my kry Jy't my bloed so mal laat klop my orde wild omvergegooi My my hare los laat hang My my lewe voor die wind laat strooi
Back to Top

Copyright © Admiral Computers 2007